بەرێز ئەسکەندەری بەهارمەست بۆ یادی کاک غەفور :
مرۆڤ بوون شەرتە:
بەو پێیەی هەموومان مرۆڤین،ئەوەی کە گرینگەو هەموومان پێی ناگەین مرۆڤ بوونە!
ئیفلاتوون چوار ڕەوشتی بنەڕەتی بۆ مرۆڤ وەک ڕەوشتی بەرزی مرۆڤایەتی دەست نیشان کردوە "بیرمەندی ،بوێری ،نێوانگیری ،دادپەروەری" کە بە "چوار ڕەوشتە بەرزەکە" ناویان دەرکردووە.واتە کەسێک بەیەکەوە هەڵگری ئەو چوار خەسڵەتە بێ دەتوانین بڵێین گەیوەتە ترۆپکی مرۆڤایەتی.بە درێژایی ژیانی ئێنسانەکان و لە ناو ئێمەشدا کەسانێک بوون و دەبن کە بە هۆی ڕەوشت بەرزیان و بیرمەندی و ئازیەتی و دادپەروەریان و شوێن دانەری ئەرێنیان لە سەر بیرو هزری تاکەکانی کۆمەڵگا و بە هەوڵ و تێکۆشانی بەردەوامییان و جۆری چالاکی و خەمی گشتی....
دەبنە سەرمایە کۆمەڵایەتی ،هەر بۆی کۆمەڵگای مرۆڤی قەرزداریانە.ئەو بیرمەندو هەڵکەوتانە بە گوێرەی سروشتی هەڵسو کەوتیان لە چوار چێوەی ژیانی تایبەتی و تایبەت بە خۆیان و کەسانی نزیکیان دور دەکەونەوە و هەموو هێزو تواناو باشترین کاتەکانی ژیانیان بۆ خزمەتی کۆمەڵگاکەیان تەرخان دەکەن .
بە بیانوی( 28) ی جۆزەردان ساڵ وەگەڕی کۆچی دوای یەکێک لەو کەسایەتییە ڕەوشت بەرزو هەڵکەوتوانەی سەردەشت کە بە حەق ئەو تایبەتمەندیانەو زۆرتر لە خۆ دەگرێت ڕێزدار "غەفوور ئیبڕاهیمی"، وەک ئەمەگناسی و یادێک لە ڕابردوی پڕ سەروەری و جێگای شانازی، ئەو چەند دێڕە دەکەینە دیاری بۆ ڕوحی پاکی بەڕێزیان و خۆشە ویستان و کەس و کار و هەموو ئەوانەی ڕێزی مرۆڤە گەورەکانی ناو کۆمەڵگای خۆیان لایە.
بەڵام نە لە توانای ئێمەدایەو نە لەو دەرفەتە کەمە دا دەتوانرێت وەکو خۆی مافی خۆی پێ بدەین .ماوەتەوە بڵێین ئێمە قەرزداری ئەو جۆرە کەسانەین.کەس وکاری و نزیکانی ئەو مرۆڤە جیاوازانە ، ماندوو بوون و چەرمەسەری و تەرخان کردنی باشترین کاتەکانی ژیانیان کەدەبوو لە ناو ئەوان دابن بەڵام لە پێناو بیرو باوەڕیان کەوا خەمی گشتی و هەست کردن بە بەرپرسیایەتی لە ئاست کۆمەڵگادا بە شانازیەوە یاد بە کەنەوە.
ڕوحی ئەو مرۆڤە گەورانەو هەموو ئەوانەی گەیشتونە ئەو ترۆپکە بەرزەی ڕەوشتی مرۆڤی شاد بێت و ڕێگایان بەردەوام و پڕ ڕێبوار....
لە کۆتایدا سوپاس و پێزانین بۆ بەڕێوە بەر یان بەڕێوە بەرانی لاپەڕی" پاشەرۆک" کە لەوەبیر هێنانەوەی و ئاوڕدانەوی ئەو کەسایەتیانە جێ پەنجەیان دیارە .
کەسانێک کە خوازیارن لە سەر بەڕێز کاک غەفوور زۆرتر بزانن
سەردانی ئەو ناو نیشانەی خوارەوە بکەن.